ТАВТАПУҪ, ВӖРЕНТЕКЕН!

Л.В.Пучков ячӗллӗ Чӑрӑшкасси шкулӗн вӗренекенӗсем республика шайӗнче иртекен #Тавахшкул акцие хутшӑнса юратнӑ вӗрентекенсене саламласа сӑвӑсем, сочиненисем ҫырчӗҫ. 8 класри Максим Халапсин акросӑвӑ ҫырма пултарчӗ, Юлия Иванова та сӑвӑ ҫырас ӑсталахпа палӑрчӗ. Алина Толстова ӑслав сочиненийӗнче хӑйӗн ӗмӗт-тӗллевӗсемпе паллаштарчӗ.

5 класри Марзия Сандалова та аслисенчен юлмарӗ, вӑл та тӑван шкулта ӑс-тӑн паракансене ырӑ сӑмахсемпе хавхалантарчӗ, илемлӗ сӑвӑ вуларӗ. Шкул ачисем ҫитсе килекен Вӗрентекен кунӗ ячӗпе видеосаламсем ӑсатрӗҫ, тав сӑмахӗсем каларӗҫ.

#Спасибошкола, #Минпросвещения
https://vk.com/video-101490572_456239922
Чӑваш чӗлхипе литература вӗрентекен Николаева А.М.

Источник: https://vk.com/cherskasy222?w=wall-101490572_10943