ЭПИР ПАЯН МАНЮНЬӐПА ТӖЛ ПУЛТАМӐР

Л.В.Пучков ячӗллӗ шкул ҫумӗнчи лагерь ачисен пурнӑҫӗ кунсерен тӗрлӗ ӗҫпе, пулӑмпа пуян. Канакансем пӗрле выляса, савӑнса, пур енлӗн аталанса туслӑх, юлташлӑх пӗлтерӗшне тарӑнрах ӑнланса хаклама вӗренеҫҫӗ. Ҫапла пулма илемлӗ литература вуласа кӑна мар, интереслӗ киносем курса та вӗренме пулать. Ишлейри кинозалра паян ачасем Арман Марутян режиссер ӳкернӗ "Манюня" фильма курса савӑнчӗҫ. Екатерина Темнова, Карина Каграманян, Джульетта Степанян вылякан хӗрачасен ролӗсем куракансене те ҫав тери ҫывӑх пулчӗҫ. Ачасем фильм геройӗсемпе пӗрле ӗлӗкхи Мускава ҫитсе кулӑшла самантсенсенче пулса курчӗҫ.

Вӑйӑ лапамӗнчен вылямасӑр епле иртӗн-ха? Ҫуллахи ҫанталӑкпа киленсе тӗрлӗ вӑйӑ вылярӑмӑр, тем тӗрлӗ хусканусем турӑмӑр.

Ял вулавӑшӗнче илемлӗ литература тӗнчинче те пулса курма ӗлке́ртӗмӗр. Хаҫат-журналпа, вырӑсла-чӑвашла кӗнекесемпе паллашрӑмӑр. Пушӑ вӑхӑтра вулама тесе киле те илсе кайрӑмӑр. Вулавӑш ертӳҫи Иванова Е.В. ачасене питӗ таврават кӗтсе илчӗ.

Шкулти шахмат кружок ертӳҫи Савельев В.П. тӑрӑшнипе Шупашкарта шахмат турнирне те ҫитсе килме пултаратӑмӑр. Унта Ульяна Никифорова тата Ева Григорович тӗрлӗ ӳсӗмри шахматистсемпе вӑй виҫрӗҫ, ӑсталӑхне туптарчӗҫ.
⛹️🏋️ Техӗмлӗ те тутлӑ апатланнӑ хыҫҫӑн яланхиллех шкул стадионӗнче спорт вӑййисем вылясси йӑлана кӗнӗ май 14 сехет те 30 минутченех ача-пӑчан хавас сасси илтӗнчӗ. Лагерьти хӗрӳ пурнӑҫ малалла пырать, кунсерен ачасене кӑмӑлне тивӗҫтерме тӑрӑшать.

Николаева А.М., Савельева Л.Г. воспитательсем.

Источник: https://vk.com/cherskasy222?w=wall-101490572_10641