Йӑлана кӗнӗ тӑрӑх иртекен чӑваш чӗлхипе литература эрнин иккӗмӗш кунӗнче тӑван чӗлхе ҫинчен пӗчӗк тӗпчев ӗҫӗ турӑмӑр. Ачасем умӗнче ҫакӑн пек ыйтусем тухса тӑчӗҫ: чӑвашла калаҫасси мӗншӗн чакса пырать? Пирӗн асатте-асаннесем, атте-аннесем чӑвашла калаҫнӑ пулсан эпир мӗншӗн сахал калаҫатпӑр? 5 класа 5 ача вӗренет пулсан 4 ачан ашшӗ-амӑшӗ, кукамӑшӗ-асламӑшӗ пӗр-пӗрин хушшинче чӑвашлах калаҫаҫҫӗ. ( Пӗр ача таджик ҫемйинчен, ҫапах вӑл та пирӗнпе тӑрӑшсах чӑвашла вӗреннине палӑртма кӑмӑллӑ.) Апла пирӗн мӗншӗн тӑван чӗлхепе калаҫмалла мар? "Чӑваш чӗлхи: ӗнер, паян, ыран" тӗпчев усӑллӑ иртрӗ. Ачасем паян чӑвашла калаҫсан пуласлӑхра та чӑваш чӗлхи упранса юлассине каларӗҫ.