Л.В.Пучков ячӗллӗ Чӑрӑшкасси шкулӗнчи 6 класри Ваня Александров ыттисем пекех ҫуркунне ҫитнишӗн питӗ хавас. Чӑваш чӗлхи урокӗнче сочинени ҫырма хатӗрленнӗ май словарь ӗҫӗ турӑмӑр, ҫуркунне ҫинчен предложенисем ҫыртӑмӑр. Тавралӑха сӑнанӑ май паллӑ ячӗсене, япала ячӗсене аса илтӗмӗр, сочинени ҫырас йӗркене ҫирӗплетсе хӑвартӑмӑр. Вырӑс художникӗн Алексей Саврасовӑн "Грачи прилетели" тата чӑваш художникӗн Николай Овчинниковӑн ҫурхи кунсене сӑнласа паракан ӳкерчӗкӗсене тӑнлаштартӑмӑр, ҫавна май калаҫу чӗлхине те якатрӑмӑр. Иван чӑваш чӗлхине вӗренес ӗҫре малтанхи утӑмсем тӑвать, ҫавӑнпа вӑл ытларах вырӑсла-чӑвашла, чӑвашла-вырӑсла словарьсемпе усӑ курать. Вырӑс тата чӑваш поэчӗсен сӑввисене аса илни те сочинение пуянрах, сӑнарлӑрах тума пулӑшӗ.