ТӐВАН ЧӖЛХЕ ЭРНИНЕ ПУҪЛАРӐМӐР

Л.В. Пучков ячӗллӗ Чӑрӑшкасси шкулӗнче черетлӗ эрне яланхиллех кадет класӗн вӗренекенӗсем ялав йӑтса тухнинчен, шкулӗпех гимн юрланинчен пуҫланчӗ. Раҫҫей гимнне юрланӑ хыҫҫӑн Чӑваш республикин гимнне тӑван чӗлхепе шӑрантарчӗҫ. Шкул директорӗ Матьянов А.В. иртнӗ эрнене пӗтӗмлетрӗ, палӑртнӑ тӗллевсемпе паллаштарчӗ.

Планпа килӗшӳллӗн шкулта нарӑсӑн 19-мӗшӗнчен пуҫласа 22-мӗшӗччен тӑван чӗлхе эрни пуҫланчӗ. Тӑван чӗлхе кунне ЮНЕСКО йышӑнӑвӗпе 1999 ҫултанпа уявлама палӑртнӑ. 4, 5, 8 классенче вӗренекенсем асӑннӑ эрнене пуҫларӗҫ, 5 чӗлхепе янӑракан 5 сӑмахпа паллаштарса кашни чӗлхе хӑйне евӗр илемлӗ те пуян пулнине кӑтартса пачӗҫ. Чӑвашла, вырӑсла, акӑлчанла, тутарла, таджикла чи ырӑ та ҫепӗҫ сӑмахсем янӑрарӗҫ.
5 класс ачисем И.Я. Яковлев Халалне вуларӗҫ, ӑна сӳтсе явса пӗтӗмлетӳсем турӗҫ.

Чӑваш чӗлхипе литература вӗрентекен Николаева А.М.

#ЭпӗТӑванЧӗлхенеЮрататӑп

Источник: https://vk.com/cherskasy222?w=wall-101490572_10111