Паян Пӗтӗм тӗнчери радио кунӗ. Л.В. Пучков ячӗллӗ Чӑрӑшкасси шкулӗнче вӗренекенсем те ҫак куна питӗ хавас, мӗншӗн тесен массӑллӑ информаци хатӗрӗсенчен пӗринпе, радиопа, пирӗн вӗренекенсем тахҫанах туслӑ. Вӗсем "Ачалӑх урхамахӗ", "Шӑнкӑрав" тата ытти передачӑра пӗрре кӑна мар пулнӑ. Кӑҫал Раҫҫей президенчӗ В.В. Путин Ҫемье ҫулталакӗ пулнине палӑртнӑ май, 8 класри Диана Васильева чӑваш наци радио хумӗсем ҫинче Мария Шагарова ертсе пыракан "Тӑпӑртук" кӑларӑм хӑни пулчӗ . Хӑйӗн ҫемйи ҫинчен илемлӗ те уҫӑ сассипе каласа панине итлеме питӗ кӑмӑллӑ.