Сывлӑхлӑ, вӑрӑм ӗмӗрлӗ пулас тесен мӗн тумалла-ши? Ҫакна Л.В.Пучков ячӗллӗ Чӑрӑшкасси шкулӗнчи 5 класра вӗренекенсем аван пӗлеҫҫӗ. Вӗсем патӗнче шкулта нумай ҫул повар пулса ӗҫлекен Халапсина Т.В. "Тӗрӗс апатланмалла" темӑпа калаҫу ирттерчӗ. ШКУЛТИ АПАТЛАНУ эрни иртнӗ май Татьяна Владиславовна пахча ҫимӗҫ, тӗрлӗ улма-ҫырла мӗнле витаминсемпе пуяннине каласа пачӗ. Аш-какай, пулӑ , тӗрлӗ йышши пӑтӑ та ҫитӗнекен организмшӑн усӑллине палӑртрӗ. Ҫиме юрӑхсӑр, сиен кӳрекен ҫимӗҫсен ячӗсене ачасем хӑйсем те аван пӗлеҫҫӗ. Ҫакна вӗсем асӑннӑ темӑпа курнӑ презентаци тата видеоролик курнипе ҫирӗплетрӗҫ.