Чӑваш тӗррин илемне 2020 ҫулхи чӳкӗн 26-мӗшӗнчен хаклама, хисеп тума пуҫлани ҫамрӑк ӑрушӑн пысӑк пӗлтерӗшлӗ пулни иккӗленӳллӗ мар. Паян чӑвашлӑха юрӑра, сӑвӑра, сӑмахра кӑна мар, тӗрӗре те хисеп туни халӑх мӑнаҫлӑхне ҫӗклет. Наци пуянлӑхӗн йышӗнче чӑваш тӗрри ҫӳллӗ шайра. Шупашкар муниципалитет округӗн Л.В. Пучков ячӗллӗ Чӑрӑшкасси шкулӗнчи ачасем тӗрӗсен куравне йӗркелерӗҫ, илемлӗхе тишкерчӗҫ, пӗчӗк тӗпчев ӗҫӗсем турӗҫ. Ачасем сӑвӑсем вуласа хавхаланчӗҫ, тӗрӗсемпе паллашрӗҫ, ӳкерчӗксем турӗҫ, уяв ячӗпе пӗр-пӗрне саламларӗҫ.