Шупашкарти Вӗренӳ институтӗнче "Шкул ачисене чӑваш чӗлхипе патшалӑхӑн пӗтӗмлетӳ аттестацине хатӗрленин пахалӑхне ӳстересси" программӑпа республикӑри тӗрлӗ район вӗрентекенӗсем Анна Егорова доцент ертсе пынипе Шупашкар муниципалитет тӑрӑхӗн Мӑнал шкулӗнче уҫӑ уроксенче пулчӗҫ. Ишлей шкулӗнчи Гаврилова С.П. вӗрентекен "Манӑн Тӑван ҫӗршыв" темӑпа текстпа ӗҫленӗ чухнехи вӑрттӑнлӑхсемпе паллаштарчӗ, Мӑнал шкулӗнчи Московцева А.Ю. рэп ӑсталахне кӑтартрӗ, Л.В.Пучков ячӗллӗ Чӑрӑшкасси шкулӗнчи Николаева А.М. "Сӑвӑ тӗнчин асамлӑхӗ" темӑпа урок ирттерчӗ. Кӗске вӑхӑт хушшинче саккӑрмӗшсем тата республикӑри чылай районти чӑваш чӗлхипе литература вӗрентекенӗсем сӑвӑ ҫырас теорипе паллашрӗҫ, тӗрлӗ мелпе сӑвӑсем ҫырса урока пӗтӗмлетсе вӗреннине ҫирӗплетрӗҫ.