Ҫак кун Л.В. Пучков ячӗллӗ Чӑрӑшкасси шкулӗнче тӑван чӗлхе урокӗсем "Чӑваш чӗлхи космоса та ҫитерет!" эпиграфпа иртрӗҫ. 5-8 класра вӗренекенсем Андриян Григорьевич ҫинчен ҫырнӑ кӗнекесемпе паллашрӗҫ, ӳкерчӗксен тата кӗнекенсен куравне йӗркелерӗҫ, мухтавлӑ космонавт ҫинчен презентаци курса сӳтсе яврӗҫ, сочинени ҫырчӗҫ, сӑвӑсем те вуларӗҫ. Ҫавӑн пекех ҫуллахи каникул вӑхӑтӗнче Сӗнтӗрвӑрри районӗнчен Шуршӑл ялӗнче косонавтика музейӗнче пулнине аса илсе каласа пачӗҫ. Вӗренекенсем Андриян Григорьевич тӑван ялӗнчи музейри экспонатсем пуян пулнине палӑртрӗҫ.