ЧӐВАШ ЧӖЛХИПЕ ЛИТЕРАТУРА ЭРНИНЕ ПӖТЕМЛЕТРӖМӖР

#ЭпӗТӑванЧӗлхенеЮрататӑп
#ЧӑвашЧӗлхипеЛитератураЭрни

Педагог тата Ӑс паракан, Телейлӗ ачалӑх, аслӑ Вӗрентекенӗмӗр Иван Яковлев 175 ҫул тултарнине халалланӑ чӑваш чӗлхипе литература эрнинче Л.В.Пучков ячӗллӗ Чӑрӑшкасси шкулӗнче чи пӗчӗккисенчен пуҫласа аслисем таранах питӗ маттур пулчӗҫ. Уяв эрнинче чӑваш юрри-кӗвви, сӑвви-сӑмахӗ уҫҫӑн та илемлӗ янӑрарӗ, Иван Яковлевич калавӗсем тӑрӑх инсценировкӑсем питӗ кӑсӑклӑ пулчӗҫ. Кашни вӗренекен чӑвашла хитре, таса калаҫма тӑрӑшнине палартма та кӑмӑллӑ. Ҫамрӑк артистсене, сӑвӑ вулакансене, юрӑ юрласа савӑнтаракансене тав сӑмахӗ каласа малашне те тӑван чӗлхене хисеплесе вӗренме ырлӑх -сывлӑх сунатпӑр. Асӑннӑ эрнене ирттерме пуҫламӑш класс вӗрентекенӗсемпе класс ертӳҫисене, музыка руководительне, ашшӗ-амӑшне, шкул администрацине тав тӑватпӑр.

Хушса ҫырни: 9 класс ачисен уяв программи пысӑк пулнӑран вӗсене уйрӑм постра кӑларӑпӑр.

Чӑваш чӗлхипе литература вӗрентекен Николаева А.М.

Источник: https://vk.com/cherskasy222?w=wall-101490572_8293