КӖҪӖННИСЕН ВУЛАВ КОНКУРСӖ

#ЭпӗТӑванЧӗлхенеЮрататӑп
#ЧӑвашЧӗлхипеЛииератураЭрни

Чӑваш чӗлхипе литература эрнин черетлӗ кунӗ Л.В. Пучков ячӗллӗ Чӑрӑшкасси шкулӗнче пуҫламӑш класра вӗренекен ачасем чӑвашла сӑвӑсемпе прозӑлла хайлав сыпӑкӗсене илемлӗ вуланипе асра юлчӗ. Кашни вулакан хӑйне евӗр артист пулнине палартма кӑмӑллӑ!

Вулав конкурсӗ 1-4 классем хушшинче иртрӗ. Ачасем чӑвашсен паллӑ поэчӗсемпе ҫыравҫисен хайлавӗсене тӑрӑшса вуларӗҫ. Хаклав комиссийӗ пур ача та питӗ пултаруллӑ пулнине палӑртса тав сӑмахӗ каларӗ, чӑвашла илемлӗ вулама пултарнишӗн мухтарӗ, малашне те ӑнӑҫу сунчӗ.

Пуҫламӑш класра вӗренекен Малышшкина Т.П., Семенова Л.А., Савельева Л.Г.
Чӑваш чӗлхипе литература вӗрентекен Николаева А.М.

Источник: https://vk.com/cherskasy222?w=wall-101490572_8280