ХӖВЕЛ ҪУЛӖПЕ

#эпирТӑванЧӗлхенеЮрататпӑр

Чӑнласах ҫутӑлӑх, малашлӑх патне ҫул хывнӑ Иван Яковлевич Яковлев. Уяв эрнин виҫҫӗмӗш кунӗнче Л.В. Пучков ячӗллӗ Чӑрӑшкасси шкулӗнче вӗренекенсем Марина Карягина сценарипе ӳкернӗ "Хӗвел ҫулӗпе" фильм курса хакларӗҫ, ӑна пӗрле сӳтсе яврӗҫ. 7 класс ачисем фильм тӑрӑх хайсен шухӑш-кӑмӑлне палӑртса сочинени ҫырма кӑмӑл турӗҫ.
Иван Яковлевӑн ҫӑмӑл мар кун-ҫулне пурне те ӑнланмалла ӳкернӗ, ҫакӑ кирек хӑш ӳсӗмри кураканшӑн та пӗлтерӗшлӗ. Шкул ачисене ӗлӗкхи чӑваш халӑх пурнӑҫӗ, йӑли-йӗрки, культури, сӑмахлӑхӗ тӗлӗнмелле илемлӗ пулни те питӗ килӗшрӗ.
Пӗчӗк Иванран Аслӑ Вӗрентекен шайне еплерех ҫитни, ҫутӑлӑх, малашлӑх ҫулӗпе утса йывӑрлӑхсене ҫӗнтерсе халӑхшӑн кирлӗ ӗҫсем туни, чӑваш халӑхне ҫутта кӑларни ҫамрӑк ӑру асӗнче яланлӑх юлӗ.

Чӑваш чӗлхипе литература вӗрентекен Николаева А.М.

Источник: https://vk.com/cherskasy222?w=wall-101490572_8215