Пирӗн шкул ачисем чӑваш чӗлхи тата чӑваш литература урокӗсене хӑнӑхнӑ йӑлапа чӑвашла салам сӑввипе пуҫлаҫҫӗ, кашни урока тӑватӑ йӗркеллӗ тӗрлӗ сӑвӑ калаҫҫӗ, дежурнӑй кӗске отчет тӑвать. Ҫакӑ ачасен шухӑшлавне йӗркелеме пулӑшать, урок умӗн тӑван чӑваш чӗлхине якатать. Пӗтӗм тӗнчери тӑван чӗлхе кунне икӗ кун уявлама кӑмӑл турӗҫ Шупашкар округӗн Л.В. Пучков ячӗллӗ Чӑрӑшкасси шкулӗнчи 6 тата 7 класс ачисем. Вӗсем тӗрлӗ халӑх чӗлхисем ҫинчен видео , презентаци пӑхса сӳтсе яврӗҫ. Тӑван чӗлхе ҫинчен ваттисен сӑмахӗсемпе каларӑшӗсене аса илчӗҫ, хамӑр халӑх историне, культурине вуласа тӗпчерӗҫ. Вырӑсла, чӑвашла, акӑлчанла сывлӑх сунчӗҫ. Улттӑмӗшсем чӑваш чӗлхи урокӗнче усӑ курма плакат ӳкерчӗҫ, ҫиччӗмӗшсем тӑван чӗлхе ҫинчен сочинени ҫырма кӑмӑл турӗҫ.