Л.В. Пучков ячӗллӗ Чӑрӑшкасси шкулӗнчи Диана Васильева Раҫҫей Наукин кунӗнче словарьсем тӗпчеме кӑмӑл турӗ. Мӗнле словарьсемпе усӑ курсан тӑван чӗлхене ытларах аталантарма пулать? Нумайрах пӗлес тесен хӑш словарь ал айӗнчех пулмалла? Пӗр-пӗр сӑмах пӗлтерӗшне хӑш сӑмахсарта шырамалла? Ашмарин словарӗсем мӗнпе паха? Кам вӑл Михаил Иванович Скворцов? Вун-вун ыйту хуравне шырарӗ Диана, хуравӗсене тупсан ҫитес вӑхӑтра чӑваш чӗлхи кружокӗнче тантӑшӗсене каласа пама палӑртрӗ.