К.В. Иванов ячĕллĕ Чăваш патшалăх академи драма театрĕ иртнĕ кунсенче 95 çул тултарнине паллă турĕ. Çавна май Чăрăшкассинчи пĕтĕмĕшле пĕлÿ паракан вăтам шкулта кăçал юлашки хут пĕлÿ сукмакне такăрлатакансем тăван литература урокĕсенчне халăх юратакан театр историйĕпе, артистсен кун-çулĕпе тĕплĕнрех паллашрĕç. Театр искусствин вăрттăнлăхĕсене тĕпчерĕç. Иоаким Максимов-Кошкинскийпе Тани Юнран пуçласа паянхи пултаруллă артистсен ĕçĕ-хĕлĕсене тишкерчĕç. Вунпĕрмĕшсене уйрăмах театр коллективĕ тĕрлĕ ăрури çынсенчен пулни кăсăклă пулчĕ. Ачасем программăпа килĕшÿллĕн Н. Терентьев çырнă «Пушар лаши » телеспектакль пăхса пĕлĕве çирĕплетрĕç.