Артистран та кая мар
Чăрăшкассинчи пĕтĕмĕшле пĕлÿ паракан вăтам шкулти 5-мĕш класри ачасем пур енлĕн те аталанма тăрăшаççĕ. Вĕренÿрен ерçÿллĕ вăхăтра вĕсем хăйсен юрлас-ташлас ăсталăхне сцена çинче туптаççĕ. Артём Афанасьев 6 ял тăрăхĕн художество пултарулăх коллективĕсем хушшинчи смотр-конкурсра çурма финала тухрĕ. Вăл 9класра вĕренекен Александра Николаевапа çĕр-шыв хÿтĕлевçисене халалласа «Защитники Отечества» юрăпа Кÿкеçри жюри членĕсене тыткăнларĕ, финала тухма пултарчĕ. Ачасене шкулти музыка учителĕ Кармавов В. Е. хатĕрленĕ.