Чăвашсен пĕрремĕш артистки Тани Юн çуралнăранпа 110 çул çитнĕ тĕле (кăрлачăн 28-мĕшĕ) Чăрăшкассинчи пĕтĕмĕшле пĕлÿ паракан вăтам шкулти  8-мĕш класри ачасем  паллă артистка çинчен ытларах пĕлес тĕллевпе хаçат-журналра статьясем пухрĕç, интернетра  материалсем шырарĕç. Уроксем хыççăн вĕренекенсем умĕнче 11-мĕш класри Миша Пучкарев Татьяна Степановна Бурашникова çинчен (Тани Юнăн хĕр чухнехи хушамачĕ)  тĕплĕнрех каласа пачĕ, чăваш театрĕ тата кино историйĕпе паллаштарчĕ.  Иоаким Степанович  Максимов-Кошкинский Тани Юн пурнăçĕнче пысăк вырăн  йышăннине те палăртрĕç ачасем.